Mashauriano kwa maendeleo

Uhusuano mwema na wengine

Alisema watumishi wa umma wanapaswa kujenga utamaduni wa kukuza maadili, haki za binadamu, uwajibikaji, utawala bora na mapambano dhidi ya rushwa.

“Naomba taasisi zilizoandaa kampeni hii kushirikiana  na kubainisha changamoto  walizokutana nazo na chanzo cha  kuporomoka kwa maadili katika jamii ili Serikali izifanyie kazi,” alisema.

Jaji mstaafu Amir Manento alisema maadili ya viongozi yanapaswa kuanzia ngazi ya kitaifa ili kurahisisha utekelezaji ngazi za chini.

Alisema maadili yanapoanza ngazi za juu husaidia kiongozi  kujitathmini  na kujenga  njia bora ya kukuza maadili, uwajibikaji, utawala bora na mapambano dhidi ya rushwa katika ngazi za chini yake.

“Tutakuza maadili iwapo tutaelekezana kwa njia ya maadili lakini si  kusemana hadharani, hiyo ni fedheha katika jamii,” alisema.

Jaji Joseph Warioba alisema taasisi saba zilizoungana kuzindua kampeni  ya siku ya maadili na haki za binadamu itasaidia kurudisha jamii kuenzi maadili, utaifa na maendeleo.

“Taasisi  zinazosimamia maadili, utawala bora na mapambano dhidi ya rushwa  kupitia kampeni hiyo zitasaidia kukuza na kujenga maadili ya kitanzania,” alisema.

Mdahalo huo ulihudhuriwa na wakuu wa taasisi zinazosimamia utawala bora, viongozi wastaafu, viongozi wa dini, asasi za kiraia, wafanyabiashara na watu mashuhuri.